Canada iaapela ang desisyon ng korte na baliktarin ang paglista sa plastic bilang toxic

Noong nakaraang linggo, nagdesisyon ang isang Federal Court judge na ang pagkilos ng gobyerno na ilista ang lahat ng plastic items bilang toxic ay hindi makatwiran at labag sa konstitusyon.

Inanunsyo nina Environment Minister Steven Guilbeault at Justice Minister Arif Virani na intensyon ng gobyerno na umapela sa isang magkasamang pahayag ngayong Lunes.

Intensyon ng aming gobyerno na iapela ang desisyon ng Federal Court at ine-explore namin ang lahat ng opsyon para ipagpatuloy ang pamumuno sa paglaban sa polusyon sa plastik, ayon sa pahayag.

Ang pagkilos na ilista ang plastic items bilang toxic ay isang mahalagang hakbang para pahintulutan ang Canada na ituloy ang pagbabawal sa ilang single-use plastic items, tulad ng mga straw at shopping bag.

PANOORIN | Federal Court binaliktad ang national single-use plastics ban:

Début du widget Widget. Passer le widget ?

Fin du widget Widget. Retourner au début du widget ?

Kaugnay na mga ulat

• Kahit hinamon ang single-use plastics ban sa korte wala itong ‘epekto’ ayon sa Canada
• Single-use plastic ban ng Canada nahaharap sa unang legal test
• Plastic bag ban iniwan ang mamimili na may gabundok na reusable bags

Isang artikulo ni Darren Major (bagong window), CBC News na isinalin sa Tagalog ni Catherine Dona.