Vatican itinatwa ang Doctrine of Discovery bilang tugon sa demanda ng mga Katutubo

Sinabi ng pahayag ng Vatican na ang 15th-century papal bulls, o mga decree, ay hindi sapat na sumasalamin sa pantay-pantay na dignidad at karapatan ng mga Katutubong tao at hindi kailanman kinokonsidera na pagpapahayag ng pananampalatayang Katoliko.

Sinabi nito na ang mga dokumento ay minanipula para sa pulitikal na layunin ng mga kapangyarihang kolonyal para bigyang-katwiran ang mga imoral na gawain laban sa mga Katutubong tao, sa ilang pagkakataon, walang oposisyon mula sa mga awtoridad ng simbahan.

Ang pahayag, mula sa development at education offices ng Vatican, ay sinabi na tama na kilalanin ang mga pagkakamaling ito, kinilala ang masamang epekto ng mga polisiya ng asimilasyon noong kolonyal na panahon sa mga Katutubo at humiling din ng kapatawaran.

Ang pahayag ay tugon sa ilang dekadang demanda mula sa mga Katutubo para sa Vatican na pormal na bawiin ang papal bulls na nagbigay ng religious backing sa Portugal at Espanya upang palawakin ang kanilang mga teritoryo sa Africa at Americas alang-alang sa pagpapalaganap ng Kristiyanismo.

Ang mga decree ay sinusuportahan ang Doctrine of Discovery, isang legal na konsepto na binanggit sa 1823 U.S. Supreme Court decision na naunawaan ang kahulugan bilang pagmamay-ari at soberanya sa lupain na ipinasa sa mga taga-Europa dahil nadiskubre nila ito.

Ito ay binanggit kamakailan bilang isang 2005 Supreme Court decision sangkot ang Oneida Indian Nation na isinulat ng yumaong justice na si Ruth Bader Ginsburg.

Nang bumisita si Pope Francis sa Canada noong 2022, kung saan humingi siya ng tawad para sa residential school system na puwersahang kinuha ang mga Katutubong bata mula sa kanilang mga tahanan, siya ay inulan ng mga demanda upang pormal na bawiin ang papal bulls.

Dalawang Katutubong kababaihan ang nagwagayway ng banner sa altar ng National Shrine of Sainte-Anne-de-Beaupré noong Hulyo 29 na nagsasabing, Rescind the Doctrine, na isinulat sa mga letrang may matingkad na pula at itim na kulay. Ang mga nagpoprotesta ay inescort paalis at ang Misa ay nagpatuloy na walang insidente, bagama’t ang mga kababaihan ay nagmartsa kalaunan sa basilica at inilagay ang banner sa railing.

Basahin ang buong istorya rito. (bagong window)

Isang artikulo ni Nicole Winfield (bagong window), The Associated Press na isinalin sa Tagalog ni Catherine Dona.