1. Home
  2. Lipunan
  3. Paglahok sa Komunidad

Mga bagong miyembro ng Knights of Rizal sa Alberta nanumpa

Pinangunahan ng consul general ng Pilipinas sa Calgary ang panunumpa

Mga lalaki sa entablado at may isa na nagsasalita sa podium. May dekorasyong Pilipino sa kanilang background.

Ang mga miyembro ng Knights of Rizal sa Canada.

Litrato: PCG - Calgary

RCI

Pinangunahan ni Consul General Zaldy Patron ang pagbuo sa mga chapter ng Knights of Rizal (KOR) sa Calgary, Airdrie at Edmonton sa probinsya ng Alberta.

Noong Marso 25, 25 na miyembro ng tatlong Knights of Rizal Chapters ay nanumpa sa harap ng mga officer ng Knights of Rizal Central Canada Region at Knights of Rizal Supreme Council sa Philippine Consulate General sa Calgary.

Mga lalaki na nakataas ang kanang kamay.

Nanumpa ang 25 na bagong miyembro ng Knights of Rizal sa Alberta.

Litrato: PCG - Calgary

Itinatag noong 1911, ang Order of the Knights of Rizal ay isang sibiko at makabayan na organisasyon na kinikilala ng batas bilang isang instrumento kung saan ang mga aral ni Dr. Jose Rizal ay maaaring ituro sa ibang indibidwal na naniniwala sa kanyang mga aral na maaari nilang isabuhay at sundin bilang halimbawa.

Mga grupo ng lalaki na nakatayo habang nasa gitna nila ang isang banner na ipinapakita ang busto ni Dr. Jose Rizal.

Pinangunahan ni Consul General Zaldy Patron, ikapito mula kaliwa, ang pagbubuo ng tatlong Knights of Rizal Chapters sa Alberta.

Litrato: PCG - Calgary

Si Dr. Jose Rizal ay isang doktor at manunulat na pinangunahan ang rebolusyon laban sa kolonyal na pamumuno ng Espanya at ipinaglaban ang kalayaan ng Pilipinas hanggang siya ay binaril ng firing squad noong 1896 sa Maynila.

Kaugnay na mga ulat

Hango sa press release ng Philippine Consulate General - Calgary na isinalin sa Tagalog ni Catherine Dona.

Mga Ulo ng Balita