1. Home
  2. Politika
  3. Mga baril

Paano nagbago ang Bill C-21 mula sa pagbabawal ng mga handgun patungong hunting gun

Ang pinakahuling amendment ay ang pagbabawal sa maraming hunting rifles, shotguns, kahit antique cannons

Benelli guns na naka-display sa dingding.

Benelli guns na naka-display sa isang exhibition sa Germany. Maraming Benelli models ang ipagbabawal sa ilalim ng bagong amendment sa government firearms legislation.

Litrato:  (Michaela Rehle/Reuters)

RCI

Ang pinakahuling pag-amyenda ng gobyerno ng Canada sa Bill C-21 ay ang pagbabawal sa maraming hunting rifle, mga shotgun at kahit mga lumang kanyon.

Ang iminungkahing mga pagbabago ay isinama sa bill ni Liberal MP Paul Chiang matapos pumasa sa pangalawang reading — na umani ng reklamo mula sa mga miyembro ng Parlamento ng oposisyon.

Kasama sa amendment ang isang clause na epektibong ipagbabawal ang anumang rifle o shotgun na maaaring tumanggap ng magazine na may higit limang rounds, kung mayroon nga na ganitong magazine.

Sinabi ng mga kritiko na kasama rito ang maraming rifle na dinisenyo para sa mga hunter, hindi sundalo.

Sinabi rin ng mga kritiko na ang ilang parte ng amendment ay ipagbabawal ang lahat mula sa antique blunderbusses hanggang sa Nine O'clock Gun ng Stanley Park sa Vancouver.

Iginiit ni Public Safety Minister Marco Mendicino na ang mga hunter ay hindi tina-target.

Mayoon kaming plano para lipulin ang gun violence once and for all, ani Mendicino sa House of Commons noong Biyernes.

Hindi namin tinatarget ang mga baril na karaniwang ginagamit para sa hunting.

Basahin ang iba pang detalye rito. (bagong window)

Isang artikulo ng CBC News na isinalin sa Tagalog ni Catherine Dona.

Mga Ulo ng Balita