1. Home
  2. Politika
  3. Pederal na Politika

Liberal government inilunsad ang review sa Cannabis Act – naantala ng isang taon

Ang review ay susuri sa idinulot ng batas sa mga Indigenous people, kabataan at sa pagpaparami rito

Naka-display na nakakain na tsokolate may halong sangkap mula sa marijuana.

Nakakain na tsokolate na mabibili sa awtorisadong retailer sa Ontario Cannabis Store sa Toronto.

Litrato: Tijana Martin/The Canadian Press

RCI

Inilunsad ng federal government ang isang review sa Cannabis Act para alamin kung ang naging batas sa legalisasyon ng marijuana ay akma sa pangailangan at sa inasahan ng mga Canadian.

Sa pamamagitan ng kapaki-pakinabang, inclusive at pag-review ng ebidensya, palalakasin natin ang batas upang naaayon ito sa pangangailangan ng lahat ng Canadian habang patuloy ang pagsugpo sa pinagbabawalan na magbenta. Hihintayin ko na matanggap ang mga natuklasan ng panel, sabi ni Health Minister Jean-Yves Duclos.

Inalis ng Liberal na gobyerno ang naging isang siglo na pagbabawal sa paggamit at pagbebenta ng recreational cannabis noong Oktubre 2018, sa pangako na susuriin ang batas tatlong taon matapos itong magkabisa. Ang review ay pasado na sa halos isang taon.

Ayon sa Cannabis Act, ang review ay dapat nakatuon sa epekto ng batas sa mga Katutubo, sa pagpaparami ng cannabis sa isang housing complex at sa kalusugan at sa pagkonsumo ng kabataan.

Kaugnay na ulat

Ang utos para sa review ay pinalawak upang isama ang pagsusuri sa Caannabis Act sa epekto sa lipunan at sa kapaligiran, ang dulot ng legalisasyon at regulasyon ng medical cannabis at ang epekto nito sa mga racialized communities at sa kababaihan.

Sinabi ng federal government na ang Cannabis Act ay naisabatas upang alisin ang iligal na bentahan at para protektahan ang kalusugan ng mga Canadian.

Ang mga nagawa para sa naturang dalawang layunin ay susurin din sa review, na gagawin ng isang independiyenteng panel ng mga eksperto.

Si Morris Rosenberg, dating deputy minister of justice, ang mamumuno sa panel ng mga eksperto. Ang iba pang miyembro ng panel ay hindi pa pinangalanan.

Papakinggan ng panel ang publiko, gobyerno, Indigenous groups, kabataan, mga kinatawan ng industriya ng cannabis at mga gumagamit ng medical cannabis. Papakinggan din ng panel ang mga eksperto sa public health, substance abuse, mga tagapagpatupad ng batas at sa health care.

Kikilos ako kasama ng panel at para makapagbigay ng payo sa mga ministro batay sa ebidensya upang palakasin itong partikular na batas at ang maisulong ang pampubliko na polisiya sa bagay na ito sa Canada, sabi ni Rosenberg noong Huwebes.

Isang artikulo ni Peter Zimonjic (bagong window) ng CBC News na isinalin sa Tagalog ni Rodge Cultura.

Mga Ulo ng Balita