1. Home
  2. Kapaligiran
  3. Lagay ng Panahon

Hurricane Fiona tinataya na tatama sa Atlantic Canada na isang malakas na bagyo

Sa transisyon ay lalawak ang bagyo na maramdaman sa mas malaking teritoryo

Mapa nagpapakita sa forecast track kung saang lugar higit na maapektuhan ng bagyo.

Tinataya sa pinakabagong forecast model sa Hurricane Fiona na ang landfall ay sa Cape Breton o sa eastern mainland ng Nova Scotia.

Litrato: (Ryan Snoddon/CBC)

RCI

Ipinaliwanag ni CBC meteorologist Ryan Snoddon na ibig sabihin sa post-tropical ay hindi nagmumula sa tubig ang lakas ng bagyo, pero sa halip ay mula sa magkaiba na temperatura sa atmosphere. Aniya, asahan pa rin na magdala si Fiona ng malakas na ulan, malakas na hangin at storm surge.

Ang Hurricane Fiona ay may potensyal na maging isang napakalakas na bagyo para sa ilang bahagi ng Atlantic Canada ngayong weekend.

Dadaan ang bagyo pahilaga at papunta sa Maritimes sa Biyernes at Sabado habang mag-transisyon ito na isang post-tropical storm.

Ang post-tropical transition ay hindi nangangahulugan na ang bagyo ay magiging mas mahina, ngunit ang anyo nito ay magbabago. Ito ay mas lalaki at mararamdaman sa maraming teritoryo.

Habang ang cone of uncertainty ay malawak pa rin, bawat araw ito ay paliit. Patuloy na itinuturo ng forecast model na ito ay magla-landfall sa Cape Breton o sa eastern mainland ng Nova Scotia.

Kahit pa may mga hindi pa matiyak sa track at iba pang detalye, ang potensyal sa epekto ay nagiging mas malinaw.

Ang pag-ulan ay unang maramdaman bago ang pagdating ni Fiona. Ang cold front mula sa west ay magdadala ng mga pag-ulan sa Huwebes hanggang sa Biyernes at pagkatapos ay magsisimulang kukuha ng moisture mula sa bagyong Fiona.

Mapa nagpapakita sa forecast track ni Hurricane Fiona

Tatahakin ng Hurricane Fiona ang pahilaga at papunta sa Maritimes sa Biyernes at Sabado habang maging isang post-tropical storm.

Litrato: (Ryan Snoddon/CBC)

Ang pinakamalakas na ulan ay asahan sa gabi ng Biyernes at hanggang Sabado habang dumadaan ito.

Ang pagtatagal ng malakas na pag-ulan ay maaaring magdulot ng pagbaha, lalo na sa track at sa kaliwa ng track ng bagyo. Ang sukat sa ibabagsak na ulan sa mga lugar na ito ay maaaring umabot sa 100-150 millimeters, o higit pa.

Sa paglaki ng bagyo, inaasahan ang napakalakas na hangin sa malawak na sakop na lugar. At dahil puno pa ng dahon ang mga puno, mataas ang tsansa na mawalan ng linya ng kuryente.

Mapa nagpapakita sa forecast track at potensyal na ulan ibabagsak ng bagyo.

Ang pinakamalakas na ulan ay inaasahan sa gabi ng Biyernes at hanggang Sabado habang dumadaan ang bagyo.

Litrato: (Ryan Snoddon/CBC)

Asahan ang pagbugso ng hangin na higit sa 100 km/h sa malawak na bahagi ng central at eastern Nova Scotia, Cape Breton, Prince Edward Island at sa kanluran at timog-kanluran ng Newfoundland. Sa mga lugar na ito, ang pagbugso ay maaaring lampas sa 130 km/h, lalo na sa mga baybayin.

Kahit pa sa mga lugar patungo sa west, ang pagbugso na lampas sa 70  km/h ay mukhang posible.

Mapa nagpapakita sa forecast ng pagbugso dala ng bagyong Fiona.

Pagbugso na higit sa 100 km/h ay asahan sa lawak mula sa central at eastern Nova Scotia, Cape Breton at Prince Edward Island.

Litrato: (Ryan Snoddon/CBC)

Ang storm surge ay inaasahan. Ang lakas ay nakadepende sa track at timing ng bagyo, at sa kasabay na high tide nito. Manatiling nakatutok para sa dagdag na detalye.

PANOORIN: Ang update at ang forecast track ng bagyong Fiona papasok sa teritoryo ng Canada

Oras na para maghanda. Tiyakin na nakahanda na ang emergency kit at ang tangke ng propane ay naka-top up. Suriin na ang mga downspout at storm drain ay walang bara at siguraduhin na ang sump pump at generator ay gumagana.

Kaugnay na ulat

Isang artikulo ni Ryan Snoddon ng CBC News na isinalin sa Tagalog ni Rodge Cultura.

Mga Ulo ng Balita