1. Home
  2. Lipunan
  3. Imigrasyon

Newcomers naghihintay ng hanggang 9 na buwan para sa New Brunswick medicare card

Sinabi ni Lakouas na kailangan siguraduhin ng gobyerno na mayroon itong sapat na resources

Isang hallway sa loob ng ospital kung saan nakatayo ang ilang health-care staff.

Ang mga newcomers na lilipat sa New Brunswick mula sa labas ng Canada ay kwalipikado na para sa Medicare sa Day 1 ng kanilang pagdating ayon sa probinsya, basta't pasok sila sa eligibility requirements.

Litrato: Shutterstock

RCI

Habang ang wait times para sa medical treatments ay tumataas para sa maraming New Brunswickers, ang ilang newcomers nahihirapang kumuha ng medicare card.

Sinabi ni New Brunswick Multicultural Council president Moncef Lakouas na naririnig niya ang tungkol sa mga kaso kung saan ang newcomers ay naghihintay ng hanggang siyam na buwan para makakuha ng card — at ito raw ay nagkakaroon ng isang snowball effect.

Kung sila ay magkakasakit, hindi sila makakapasok sa trabaho, at kung hindi sila makakapagtrabaho, hindi nila kayang bayaran ang renta at hindi makakapag-provide para sa kanilang mga pamilya, na very, very dangerous at very serious, aniya.

Umaasa sa probinsya

Ang mga newcomers na pupunta sa New Brunswick mula sa labas ng Canada ay kwalipikado para sa medicare sa Day 1 pa lang ng kanilang pagdating, ayon sa probinsya, basta’t pasok sila sa eligibility requirements at napatunayan na … itatatag ang permanenteng paninirahan sa New Brunswick.

Sa isang pahayag sa CBC News, sinabi ng probinsya na ang medicare team ay kasalukuyang nagha-hire ng mas maraming staff para bawasan ang wait times.

Sinabi ng probinsya na kasalukuyang umaabot sa 15 na linggo ang pagpoproseso sa isang aplikasyon, ngunit ang mga taong naghihintay para sa isang medicare card ay hindi dapat iwasan o i-delay ang medical care.

Ang mga indibidwal na naghihintay para sa medicare card ay dapat malaman na kapag sila ay naaprubahan ang effective date para sa card ay maaaring i-backdate sa kanilang pagdating sa New Brunswick o sa effective date ng kanilang valid Immigration, Refugee Citizenship Canada status sa Canada document, anuman ang pinaka-latest, ani Michaela Power, ang tagapagsalita para sa Department of Health.

Sinabi ng probinsya na may proseso para sa mga nangangailangan ng agarang medikal na atensyon at wala pang pisikal na medicare card.

Ang mga kasong ito ay ina-identify, at ang kanilang files ay kasunod na ipinaprayoridad sa pagproseso, aniya.

Sinabi ni Lakouas na kung gustong akitin ng probinsya ang mas maraming newcomers, kailangan nilang tiyakin na may access sa health care.

Sinabi niya na ang sistema na ginawa para harapin ang mga requests noon ay hindi na nagfi-fit sa mga pangangailangan ngayon — o mga bilang.

Ang ginagamit natin para i-welcome dati ang mga bilang ng imigrante, na ilang libo lamang kada taon, ay hindi na ito ang kaso ngayon, ani Lakouas.

Wine-welcome natin ang mahigit 6,000 imigrante kada taon. Mayroon tayong intensyon na pataasin ang bilang sa 8,000 hanggang 10,000 na imigrante kada taon. Kailangan natin siguraduhin na sila ay mabibigyan ng kanilang medicare at ng medikal na atensyon sa lalong madaling panahon.

Mga problema at solusyon

Sinabi ni Lakouas na walang pinansyal na tulong para sa mga newcomers na walang medicare card, kaya marami sa kanila ang nagbabayad mula sa sariling bulsa para magamot.

Iginiit niya na maaaring mahirap ito para sa mga taong kalilipat lamang sa Canada.

Ang pag-access pa lang … sa emergency rooms para sa konsultasyon ay mahal na para sa isang tao na kadadating pa lang, na hindi kailangan i-disperse ang kanyang pera para sa isang bagay na libre niya dapat makuha, ani Lakouas.

Close up ng mukha ni Lakouas.

Sinabi ni Lakouas na kinailangan magbayad ng ilang newcomers para magpagamot, na talaga namang mahal.

Litrato: Zoom

Sinabi ni Lakouas na kailangan ng solusyon.

Puwede itong maging isang proseso na kasing simple ng pagkakaroon ng access sa iyong social insurance number, nakukuha mo ang number na ito kaagad, ani Lakouas.

Kapag ang mga imigrante ay dumadating sa probinsya, maaari nilang makuha ang numero na ito kaagad, na pinapahintulutan silang makakuha ng medikal na atensyon na kailangan nila.

Isang artikulo ni Jordan Gill (bagong window), CBC News na isinalin sa Tagalog ni Catherine Dona.

May kasamang files mula sa Information Morning Summer Edition

Mga Ulo ng Balita