1. Home
  2. Politika
  3. Katutubo

Canada, AFN naabot ang $20B final settlement sa First Nations child welfare agreement

Sinabi ng Assembly of First Nations na ang pera ay dapat dumating sa susunod na taon

Isang t-shirt na may nakasulat na 'Every Child Matters' at mga maliliit na sapatos.

'Every Child Matters' (archives)

Litrato: Joe Pavia / CBC

RCI

Ang pera upang i-compensate ang mga kabataan na naapektuhan ng discriminatory child welfare system ng Canada ay inaasahan na magsisimulang dumating sa First Nations sa susunod na taon, ngayon na ang pederal na gobyerno ng Canada at ang Assembly of First Nations (AFN) ay naabot na ang final settlement agreement.

Ang Canada, ang Assembly of First Nations at mga nagsasakdal sa dalawang class-action cases ay naabot ang isang agreement-in-principle (bagong window) nitong unang bahagi ng taon. Inanunsyo ng mga partido noong Lunes na ang kasunduan ay pinal na.

Sinabi ng Indigenous Services Canada na ang naturang settlement ang pinakamalaki sa kasaysayan ng Canada.

Sa kabuuan, magiging available ang $20 bilyon sa:

  • First Nation na mga bata na nasa reserve at sa Yukon na inalis sa kanilang mga tahanan sa pagitan ng Abril 1, 1991 at Marso 31, 2022.

  • Ang mga apektado ng tinatawag ng gobyerno na “makitid na depinisyon” ng Jordan's Principle (bagong window), na ginamit sa pagitan ng Disyembre 12, 2007 at Nobyembre 2, 2017.

  • Ang mga bata na hindi nakatanggap ng essential public service o naharap sa pagkaantala ng pag-access sa mga ganitong serbisyo sa pagitan ng Abril 1, 1991 at Disyembre 11, 2007.

  • Ang caregiving na mga magulang o mga lolo at lola ng mga bata na covered ng kasunduan na maaaring eligible din para sa compensation.

Sinabi ni Manitoba Regional Chief Cindy Woodhouse sa isang media statement na inaasahan niya na magsisimulang dumating ang pera sa susunod na taon.

Nasa mga puso at dasal natin ang mga bata sa buong negosasyon, ani Woodhouse sa kanyang pahayag.

Ang pinal na kasunduan ay kailangan aprubahan ng Canadian Human Rights Tribunal at Federal Court.

Basahin ang buong istorya rito (bagong window).

Bahagi ng artikulo ni Darren Major (bagong window), CBC News na isinalin sa Tagalog ni Catherine Dona.

Mga Ulo ng Balita