1. Home
  2. Pandaigdig
  3. Mga Armadong Labanan

Canada magbibigay ng $350 milyon na bagong tulong pinansyal sa Ukraine

Bagong financial assistance ipinaabot ng Canada sa Ukraine

Justin Trudeau, sa harap ng isang lectern.

Justin Trudeau sa kanyang huling press conference ngayong Martes sa Germany (archives).

Litrato: La Presse canadienne / Paul Chiasson

RCI

Inanunsyo ni Prime Minister Justin Trudeau ngayong Martes na magbibigay ang Canada ng bagong tulong pinansyal sa Ukraine, kabilang ang $200 milyon na pautang sa pamamagitan ng International Monetary Fund (IMF) at mahigit $150 milyon na humanitarian assistance para sa nasalantang bansa dahil sa paglusob ng Russian military.

Ang iba pang kontribusyon ng Canada ay dumating habang ang mga pinuno ng pitong pinaka-industriyalisadong bansa, na nagpupulong sa Germany, ay nangako na aalisin o ipagbabawal ang pag-import ng karbon at langis mula sa Russia bilang tugon sa pagsalakay ng bansang iyon sa Ukraine at sa sumunod na krisis sa enerhiya na na-trigger ng digmaan.

Ang suporta ng Canada na $150 milyon ay binubuo ng $75 milyon na humanitarian assistance para matulungan ang mga operasyon sa Ukraine at mga kalapit na bansa. Magkakaroon ng pamamahagi ng emergency na pagkain at mga voucher, gayundin ang pagtatatag ng protective measures, mga tirahan at serbisyong pangkalusugan.

Magbibigay rin ang Canada ng $52 milyon na tulong pang-agrikultura, kabilang ang mga mobile na kagamitan para madagdagan ang kapasidad ng pag-iimbak ng butil, pati na rin ang tulong para magbigay ng diagnostic na pagsusuri at mabilis na pagsubaybay sa sakit ng hayop para paganahin ang sertipikasyon ng pag-export.

Nag-aambag din ang Canada ng $15 milyon para pondohan ang efforts sa demining at $9.7 milyon para tugunan ang mga pang-aabuso sa karapatang pantao sa Ukraine.

Ang anunsyo ay ginawa sa pagtatapos ng G7 summit kung saan nakibahagi si Trudeau.

Isang artikulo ng The Canadian Press na isinalin sa Tagalog ni Catherine Dona.

Mga Ulo ng Balita