1. Home
  2. Pandaigdig
  3. International Relations

Prince Charles at Camilla darating sa Yellowknife ngayong araw

Ang mabilis na apat na oras na pagbisita ay matatapos sa isang pampublikong seremonya

Camilla at si Prince Charles.

Si Prince Charles ay bumisita sa Canada sa ika-19 na pagkakataon at ito ang ikalimang pagbisita sa bansa ng Duchess of Cornwall (archives).

Litrato:  AP / Hannah McKay

RCI

Si Prince Charles at ang kanyang asawa na si Camilla, Duchess of Cornwall, ay darating sa Yellowknife ngayong Huwebes ng hapon bilang parte ng ikatlo at huling araw ng kanilang Canadian tour. Ang pagbisita ay upang parangalan ang Platinum Jubilee ni Queen Elizabeth, isang selebrasyon para sa 70 taon na pag-upo ng Reyna sa trono.

Ang apat na oras na pagbisita ay nagsimula bago ang alas-dos ng hapon nang sila ay dumating sa paliparan, kung saan ang royal couple ay winelcome ng mga dignitaryo, kabilang si Mayor Rebecca Alty.

Ang susunod na stop ay sa Dettah, kung saan dadalo si Charles sa isang public fire-feeding na seremonya, makikipagkita rin siya sa Indigenous elders at mga pinuno, manonood ng isang handgame demonstration at posibleng makilahok sa isang drum dance. Ang mga event na ito ay bukas sa publiko.

Bibisita naman si Camilla sa mga estudyante ng Kaw Tay Whee School sa Dettah.

Si Prince Charles naman ay makikipagkita sa Canadian Rangers sa Fred Henne Territorial Park habang tutungo si Camilla sa transitional housing centre ng YWCA para sa mga kababaihan at mga bata.

Titingnan din nina Prince Charles at Camilla ang Dettah ice road, at bibisita ang Prince of Wales sa Northern Heritage Centre, na ipinangalan sa kanya nang ito ay magbukas noong 1979 — isang event na dinaluhan mismo ni Prince Charles noon.

Si Prince Charles ay makikipagkita sa food producers sa museo upang pag-usapan ang food production at entrepreneurship, gayundin ang environmental challenges. Makikipagdiskusyon din siya sa Treaty 11 at oobserbahan ang isang tradisyonal na Inuit sports. Matututo naman si Camilla ng isang tradisyonal na craft mula sa mga lokal na artisans.

Ang mga taga-Yellowknife ay iniimbitahan na makibahagi sa final event ng pagbisita: isang publikong pagtataas ng watawat at ang unveiling ng isang plake sa likod ng Joint Task Force North building malapit sa Flame Lake. Magsisimula ito ng 6:05 n.g. (Mountain Daylight Time).

Ang royal tour ay magwawakas sa isang evening departure ceremony sa paliparan.

Isang artikulo ng CBC News na isinalin sa Tagalog ni Catherine Dona.

Mga Ulo ng Balita