1. Home
  2. Politika
  3. Mga Eleksyon sa Ibang Bansa

[Ulat] 1 sa bawat 2 botante sa konsulado ng Pilipinas sa Vancouver bumoto

Konsulado ng Pilipinas sa Vancouver, may pinakamataas na partisipasyon sa mga botante sa Canada

Kamay hawak ang balota isa-isang binibilang.

Higit siyam na libo ang itinaas sa nabilang na balota sa 2022 Philippine National Elections kaysa sa mga balota na nabilang noong 2016.

Litrato: RCI/Rodge Cultura

Rodge Cultura

Tumaas ng pitong porsyento ang bilang ng mga bumoto sa katatapos na overseas voting sa buong Canada at teritoryo ng Bermuda para sa 2022 Philippine National Elections kumpara sa halalan noong 2016. Naitala sa nasasakupan na hurisdiksyon ng konsulado sa Vancouver ang pinakamataas na pakikilahok ng mga Pilipino sa bansa.

Sa pagsasara ng botohan noong Mayo 9, natanggap ang may 12,906 na balota o 48.53% mula sa 27,373 na rehistradong botante sa hurisdiksyon ng konsulado. Sakop sa hurisdiksyon ng Philippine post sa Vancouver ang mga probinsya ng British Columbia, Yukon at Northwest Territories.

Ang konsulado sa Vancouver ay pumapangalawa sa Toronto sa dami ng bilang ng mga botante sa bansa.

Ang bilang batay sa partisipasyon ay sinundan ng 33.17% na voting turnout sa konsulado sa Calgary na nakatanggap ng 5,350 na balota mula sa 16,130 na rehistradong botante. Habang 12,146 na balota naman ang nabilang o 31.1% mula sa 39,108 na rehistradong botante sa konsulado sa Toronto.

Kaugnay na ulat

Sinikap ng Radio Canada International na kuhanan ng komento ang konsulado ng Toronto hinggil sa katatapos na botohan at bilangan pero wala pang natangap na tugon ang Radio Canada International hanggang sa oras ng paglathala sa balitang ito.

Sa inilabas na pinakahuling abiso mula sa embahada ng Pilipinas sa Ottawa umabot sa 31,802 valid na balota ang kabuuang nabilang mula sa 49 na presinto mula sa Philippine Posts sa Canada.

Ang Canada at Bermuda (may 184 na botante) ay may kabuuang 90,729 na rehistradong botante para sa 2022 Philippine National Elections.

Sa report naitala na 35% ang pinal na voter turnout sa katatapos na halalan. Ito ay pitong porsyento na mas mataas kumpara sa 28.6% na voter turnout ng mga rehistradong botante sa Canada noong 2016.

Kung tutuusin may mas kaunting permanent residents ang naninirahan dito, mas mababa kung pagbabatayan ang estadistika pero kahit pa [ga]nito ay lalong tumaas [ang bilang ng mga bumoto] which is impressive, sabi ni Ambassador Rodolfo Robles sa panayam ng Radio Canada International.

Rodge Cultura

Mga Ulo ng Balita