1. Home
  2. Sining
  3. Musika

Enrique Iglesias, Ricky Martin nag-concert sa Scotiabank Arena sa Toronto

Ang concertgoers ay nagpakita ng proof of full COVID-19 vaccination, stadium napuno sa kalahating kapasidad

Nagsasayaw si Ricky Martin sa entablado.

Ricky Martin kinanta ang ilan sa kanyang biggest hits sa live concert sa Toronto noong Oktubre 7, 2021.

Litrato: La Presse canadienne / Nathan Denette

RCI

Ang Latin superstars na sina Ricky Martin at Enrique Iglesias ay nagdala ng saya sa Scotiabank Arena sa Toronto noong Huwebes habang winelcome ng venue ang unang concert nito mula nang magsimula ang pandemya.

Sinabi ng mga operator ng arena na 580 araw na ang nakaraan mula nang maganap ang isang live music event sa indoor space, habang ang local COVID-19 precautions ay hinadlangan ang mass gatherings sa loob ng maraming buwan.

Ang mga fans ay napa-livin’ la vida loca habang kinakanta ni Martin ang ilan sa kanyang greatest hits kasama ang mga flamenco dancers at isang recorded appearance ni Christina Aguilera para sa duet na Nobody Wants to be Lonely.

Sumunod si Iglesias na umakyat sa entablado at nag-perform ng kanyang Top 40 charters na Hero at Be With You.

Ang stadium ay napuno sa 50 per cent capacity alinsunod sa provincial regulations. Ang concertgoers ay required na magpakita ng proof of full COVID-19 vaccination kasama ang government-issued identification para makapasok sa venue.

Ilang linggo ng naghahanda ang Scotiabank Arena para sa malalaking pagtitipon. Una nitong hinost ang pre-season opener ng Toronto Maple Leafs (bagong window) noong Setyembre 25 at Toronto Raptors ngayong linggo (bagong window).

Marami pang concerts ang nasa kalendaryo ngayong taon, kabilang ang Columbian pop star na si Maluma sa Oktubre 21, country singer na si Kane Brown sa Nobyembre 19 at ang reunion tour ng Genesis sa Nobyembre 25 at 26.

Ang Enrique & Ricky Live! Tour ay nagkaroon ng pangalawang performance sa Scotiabank Arena noong Biyernes at magtatanghal sa Bell Centre sa Montreal ngayong Sabado.

Isang artikulo ni David Friend (bagong window) ng The Canadian Press na isinalin sa Tagalog ni Catherine Dona.

Mga Ulo ng Balita