1. Home
  2. Kalusugan
  3. Pagbabakuna/Vaccination

Pfizer-BioNTech nagsumite ng data sa U.S. FDA para sa COVID-19 bakuna sa mga bata

Awtorisado na ang bakuna na gamitin sa mga tinedyer edad 12 hanggang 15

Kamay hawak ang isang vial na may nakatusok na hiringgilya.

Hinahanda ng isang nurse ang Pfizer-BioNTech COVID-19 na bakuan sa Los Angeles noong summer.

Litrato: Reuters / Lucy Nicholson

RCI

Nagsumite ang Pfizer Inc. at BioNTech SE ng unang trial data para sa kanilang COVID-19 bakuna na gamitin sa mga bata edad 5 hanggang 11 sa U.S. regulators ngayong Martes. Sinabi rin ng mga kompanya na gagawa sila ng pormal na request para sa emergency use authorization nito sa mga susunod na linggo.

Ang mga coronavirus infections ay tumaas sa mga bata at naabot ang highest point noong Setyembre, ayon sa data ng American Academy of Pediatrics.

Ang bakuna na awtorisado para sa mga tinedyer edad 12 hanggang 15 at fully approved para sa edad 16 pataas sa Estados Unidos ay nakita na nakakapag-induce ng malakas na immune response sa target age group ng clinical trial na may 2,268 participants, sabi ng mga kompanya noong Setyembre 20.

Ang Pfizer-BioNTech bakuna ay binigyan ng awtorisasyon para sa mga bata edad 12-15 halos isang buwan matapos mag-file ang mga kompanya para sa awtorisasyon. Kung susundin natin ang parehong timeline para sa application na ito, ang mga bata ay maaaring maturukan bandang huli ng Oktubre.

Ang mabilis na awtorisasyon ay makakatulong sa pagpigil ng potensyal na pagtaas ng mga kaso ngayong fall kung saan bukas na ang mga eskwelahan nationwide.

Kahit ang mga bata ay hindi madaling kapitan ng malubhang COVID-19, maaari pa rin silang magkalat ng virus sa ibang tao, kasama ang mahina na populasyon na mas nanganganib na kapitan ng malalang karamdaman.

Sa isang statement, sinabi ng Pfizer Canada na naghahanda na ito upang mag-submit sa Health Canada ng potential authorization ng COVID-19 vaccine para gamitin sa mga bata edad lima hanggang 11. Gayunpaman, hindi nagbigay ng timeline ang kompanya kung kailan ito mangyayari.

Isang artikulo ng Thomson Reuters, CBC News na isinalin sa Tagalog ni Catherine Dona.

Mga Ulo ng Balita