1. Home
  2. Pandaigdig
  3. Pagbabakuna/Vaccination

Magpabakuna o makulong sa bahay, babala ng presidente ng Pilipinas

Mas pinoproblema ng Pilipinas ang kakulangan sa bakuna kaysa sa vaccine hesitancy

Nagasasalita sa podium si Rodrigo Duterte.

Ang huling state of the nation address ni Philippine President Rodrigo Duterte ay ginanap sa House of Representatives sa Quezon City, Philippines noong nakaraang Lunes.

Litrato: Associated Press / Lisa Marie David/Pool Photo

RCI

Nagbabala si President Rodrigo Duterte sa mga Pilipinong ayaw magpabakuna laban sa coronavirus na hindi sila papayagang umalis ng kanilang bahay bilang pag-iingat mula sa mas nakakahawang delta variant.

Sinabi ni Duterte noong nakaraang Miyerkules ng gabi sa isang brodkast na walang batas na nagmamandato ng ganitong klaseng restriksiyon pero handa siyang humarap sa mga lawsuits upang mapigilan ang mga taong kaliwa’t kanang nagkakalat ng virus sa lansangan.

Dagdag pa ng presidente para sa mga taong ayaw magpabakuna, well, for all I care, you can die anytime.

Ang bansa na may mahigit 108 milyon katao ay mas namomroblema sa kakulangan ng bakuna kaysa sa public hesitance.

Ang mga tao, kasama ang isang batang babae, ay pumila sa bangketa.

Higit sa vaccine hesitancy, mas problema ang kakulangan ng bakuna sa Pilipinas. (Archives)

Litrato: Getty Images / TED ALJIBE

Humigit kumulang 7 milyong Pilipino ang fully vaccinated at mahigit 11 milyon ang naturukan na ng first dose. Katiting lang ang bilang na ito mula sa target ng gobyerno na 60 hanggang 70 milyon katao.

Isang artikulo ng Associated Press na isinalin sa Tagalog ni Catherine Dona.

Mga Ulo ng Balita