- ਮੁੱਖ ਪੰਨਾ
- ਅੰਤਰਰਾਸ਼ਟਰੀ
- ਹਥਿਆਰਬੰਦ ਵਿਵਾਦ
ਗਾਜ਼ਾ ਚੋਂ ਨਿਕਲਣ ਵਾਲੇ ਵਿਦੇਸ਼ੀਆਂ ਦੀ ਅੱਜ ਦੀ ਸੂਚੀ ਵਿਚ ਕੈਨੇਡੀਅਨਜ਼ ਸ਼ਾਮਲ ਨਹੀਂ
ਸੈਂਕੜੇ ਕੈਨੇਡੀਅਨਜ਼ ਅਜੇ ਵੀ ਗਾਜ਼ਾ ਵਿਚ ਫਸੇ
2 ਨਵੰਬਰ, 2023 ਨੂੰ ਦੁਹਰੀ ਨਾਗਰਿਕਤਾ ਵਾਲੇ ਫ਼ਲਸਤੀਨੀ ਗਾਜ਼ਾ ਦੇ ਨਾਲ ਸਰਹੱਦ ਦੇ ਮਿਸਰ ਵਾਲੇ ਪਾਸੇ ਰਫ਼ਾਹ ਕਰਾਸਿੰਗ ਨੂੰ ਪਾਰ ਕਰਨ ਲਈ ਰਜਿਸਟਰੇਸ਼ਨ ਕਰਵਾਉਂਦੇ ਹੋਏ।
ਤਸਵੀਰ: THE CANADIAN PRESS/AP-Hatem Ali
ਗਾਜ਼ਾ ਨੂੰ ਛੱਡ ਸਕਣ ਵਾਲੇ ਵਿਦੇਸ਼ੀ ਨਾਗਰਿਕਾਂ ਦੀ ਅੱਜ ਦੀ ਅਪਡੇਟ ਕੀਤੀ ਸੂਚੀ ਵਿਚ ਕੈਨੇਡੀਅਨਜ਼ ਸ਼ਾਮਲ ਨਹੀਂ ਹਨ। ਜਨਰਲ ਅਥਾਰਟੀ ਫ਼ਾਰ ਕ੍ਰਾਸਿੰਗਜ਼ ਐਂਡ ਬਾਰਡਰਜ਼ ਵੱਲੋਂ ਅੱਜ ਸਵੇਰੇ ਨਵੀਂ ਸੂਚੀ ਫ਼ੇਸਬੁਕ ਪੇਜ ‘ਤੇ ਨਸ਼ਰ ਕੀਤੀ ਗਈ ਹੈ।
ਗਲੋਬਲ ਅਫ਼ੇਅਰਜ਼ ਕੈਨੇਡਾ ਨੇ ਬੁੱਧਵਾਰ ਨੂੰ ਕਿਹਾ ਕਿ 367 ਕੈਨੇਡੀਅਨ ਨਾਗਰਿਕ, ਪਰਮਾਨੈਂਟ ਰੈਜ਼ੀਡੈਂਟਸ ਅਤੇ ਉਨ੍ਹਾਂ ਦੇ ਪਰਿਵਾਰਕ ਮੈਂਬਰ ਗਾਜ਼ਾ ਚੋਂ ਨਿਕਲ ਸਕੇ ਹਨ। ਇਸ ਗਿਣਤੀ ਵਿਚ 9 ਹੋਰ ਲੋਕ ਵੀ ਸ਼ਾਮਲ ਹਨ ਜੋ ਬਗ਼ੈਰ ਕੈਨੇਡਾ ਸਰਕਾਰ ਦੀ ਮਦਦ ਦੇ ਗਾਜ਼ਾ ਚੋਂ ਨਿਕਲੇ ਹਨ।
2 ਹੋਰ ਲੋਕ ਬੁੱਧਵਾਰ ਨੂੰ ਰਫ਼ਾਹ ਬਾਰਡਰ ਕ੍ਰਾਸਿੰਗ ਰਾਹੀਂ ਮਿਸਰ ਪਹੁੰਣ ਵਿਚ ਸਫਲ ਹੋਏ ਅਤੇ 10 ਜਣੇ ਸੋਮਵਾਰ ਨੂੰ ਰਵਾਨਾ ਹੋਏ ਸਨ।
ਕੈਨੇਡੀਅਨ ਸਰਕਾਰ ਦਾ ਕਹਿਣਾ ਹੈ ਕਿ ਉਹ ਇਹ ਨਿਰਧਾਰਤ ਨਹੀਂ ਕਰ ਸਕਦੀ ਹੈ ਕਿ ਹਰ ਦਿਨ ਕਦੋਂ ਜਾਂ ਕਿੰਨੇ ਲੋਕ ਬਾਰਡਰ ਪਾਰ ਕਰ ਸਕਦੇ ਹਨ, ਪਰ ਕੈਨੇਡਾ ਨਾਲ ਸਬੰਧਤ 386 ਹੋਰ ਲੋਕ ਗਾਜ਼ਾ ਨੂੰ ਛੱਡਣ ਦੀ ਕੋਸ਼ਿਸ਼ ਕਰ ਰਹੇ ਹਨ।
7 ਅਕਤੂਬਰ ਨੂੰ ਹਮਾਸ ਵੱਲੋਂ ਇਜ਼ਰਾਈਲ ‘ਤੇ ਕੀਤੇ ਸ਼ੁਰੂਆਤੀ ਹਮਲੇ ਵਿੱਚ 1,400 ਲੋਕ ਮਾਰੇ ਗਏ ਸਨ। ਇਸ ਤੋਂ ਇਲਾਵਾ, ਹਮਾਸ ਵੱਲੋਂ ਲਗਭਗ 240 ਬੰਧਕਾਂ ਨੂੰ ਇਜ਼ਰਾਈਲ ਤੋਂ ਗਾਜ਼ਾ ਲਿਆਂਦਾ ਗਿਆ ਸੀ।
ਗਾਜ਼ਾ ਦੇ ਹਮਾਸ ਦੁਆਰਾ ਚਲਾਏ ਜਾ ਰਹੇ ਸਿਹਤ ਮੰਤਰਾਲੇ ਦਾ ਦਾਅਵਾ ਹੈ ਕਿ ਇਜ਼ਰਾਈਲ ਦੀ ਜਵਾਬੀ ਫ਼ੌਜੀ ਕਾਰਵਾਈ ਵਿੱਚ ਗਾਜ਼ਾ ਵਿਚ 11,200 ਤੋਂ ਵੱਧ ਲੋਕ ਮਾਰੇ ਜਾ ਚੁੱਕੇ ਹਨ।
ਦ ਕੈਨੇਡੀਅਨ ਪ੍ਰੈੱਸ
ਪੰਜਾਬੀ ਰੂਪਾਂਤਰ - ਤਾਬਿਸ਼ ਨਕਵੀ, ਸੀਨੀਅਰ ਰਾਈਟਰ, ਰੇਡੀਓ ਕੈਨੇਡਾ ਇੰਟਰਨੈਸ਼ਨਲ
